Алдағы уақытта мектеп директорларының да жалақысы артатын болды. Оқу-ағарту министрі Ғани Бейсембаевтың айтуынша мұғалімдердің еңбекақысы көбейгенін, енді директорлар мен олардың орынбасарлары, мектептің өзге қызметкерлерінің де жалақысы артады деп айтылған. Бірақ құрғақ уәде күйінде қалған еді. Ведомство жетекшісіне осы мәселеге қатысты сұрақ көлденең тартылғанда былай деді: «Мемлекет басшысының 2019 жылы берген тапсырмасы бойынша, 2020 жылдан бастап мұғалімдердің айлығы жыл сайын 25 пайыз көтеріліп отырды. Биыл тағы 25 пайыз артып, екі есе көтеру толығымен аяқталды. Келесі бағытта мектеп басшыларының айлығын да көтеруге мән беруіміз керек. Бұл бағытта да Оқу-ағарту министрілігі біршама жұмыс атқарып келеді. Пысықтап жатырмыз, бұл оңай шаруа емес. Бүкіл оң-теріс тұстарын есептеген дұрыс. Міндетті түрде мектеп басшыларының айлығын көтеру керек. Біз оны қолдаймыз. Осы бағытта жұмыс істеп жатырмыз».
JQ-Aqparat
WhatsApp: +7 705 717 9113
