Зейнеткердің 1,5 млн теңгесін ұрлағандар ұзаққа бармады

Степногорск қаласының 93 жастағы қарияның  үйінен 1,5 миллион теңгесін ұрлаған алаяқтар ұсталды. Бұл туралы Ақмола облыстық Ішкі істер департаменті хабарлады. Полицейлер анықтағандай, екі жігіт өздерін қалалық су арнасының қызметкеріміз деп таныстырып үйге кірген. Екі жігіттің біреуі ас үйдегі құбырды жөндегендей болса, екіншісі дәлізде күтіп тұрған. Қомақты қаржының жоғалғанын анықтаған зейнеткерлер ізін суытпай полицияға хабар берген. Қарттың айтуынша, оқиға болардан екі күн бұрын үйіне жас жігіт келіп массаж жасайтын құрал сатқан. Қарт құралдың ақшасын төлегенде сатушы ақшаның қайдан алғанын көріп отырған. Жедел іздестіру шара барысында 28 және 29 жастағы екі күдікті ұсталды. Қазіргі таңда оқиға бойынша тергеу амалдары жүргізілуде.