Қызылордада пара алған басқарма басшысы ұсталды

Қызылорда облысында жер қойнауын пайдаланушы компаниялардан пара алып келген басқарма басшысы ұсталды, деп хабарлайды Baq.kz. Сыбайлас жемқорлыққа қарсы күрес ұлттық бюросының Қызылорда облыстық департаменті «Жұмыспен қамтуды үйлестіру және әлеуметтік бағдарламалар басқармасы» ММ басшысы А.И.Алдажаровтың қылмыстық қызметінің жолын кесті. Ол шетелдік жұмысшылардың Қазақстан аумағында болу мерзімін ұзарту үшін жер қойнауын пайдаланушы компаниялардың өкілдерінен жүйелі негізде пара алып келген.

Заңсыз сыйақының жалпы сомасы 350 мың теңгені құрады. Күдікті кінәсін толығымен мойындады. Қазір сотқа дейінгі тергеу жүріп жатыр.