Қытай баласы қазақша әнімен жұртты тәнті етті (видео)

Қытай баласы қазақша әнді керемет орындап шықты. Осыны көрсететін видео қазір әлеуметтік желіде тарап жатыр.

Caravan.kz хабарлағандай, бұл бейнежазбаны белгілі әнші, Ақтөбе облыстық мәдениет басқармасының басшысы Қанат Айтбаевтың Фейсбуктегі парақшасынан көрді. Ал видеоның астына көптеген пікір жазылған. Барлығы дерлік балаға сүйсініп қалғанын айтқан. Бірақ кейбіреулер бұдан саяси астар іздейтін сияқты. Мысалы, Сандуғаш Бисенғалиева: «Қытайлық «Атамекен-ай» дегенде, кəдімгі біртүрлі жеріме деген қызғаныш пайда боп кетті жүрегімде» депті.

Ал Асылхан Байғозиев: «Соңғы кезде қытайлықтар қазақ əніне құмар болып жүр-ау, шамасы» дейді.

Айта кетейік, «Атамекен-ай» әні әйгілі әнші Роза Рымбаеваның орындауы арқылы кең таралды. Әуенін Жанбота Тұяқбаев, сөзін Шөмішбай Сариев жазған.