«Қытайға шықпасын!»- деп жүргенде…

Әлеуметтік желідегі бесенділер «Қыздар қытайға күйеуге шықпасын!» -деп аттан салып жүргенде жүздеген бойжеткен шетелдіктермен отау құрып тастапты. Тек былтыр ғана Алматыдағы 510, ал Астанада 260 қыз өзге елдің еркегімен некеге тұрған.

Қазақпараттың сұрауы бойынша осындай мәліметерді келтірген ұлттық экономика министрлігі өткен жылдың 11 айында еліміздегі 2154 бойжеткеннің шетелдікпен көңіл қосқанын хабарлады. Айта кету керек, өзге елдің қыздарына үйленген жігіттер де аз емес. Олардың 3 мыңнан асады. Ғаламтор арқылы танысып, шаңырақ көтергендер де баршылық. Қазақпарат сондай қыздардың бірі, латыш жігітімен тұрмыс құрып, бүгінде Лондонды мекендеген алматылық Жанна Байызрахманова – Бриеденің күйеуімен түскен суретін жариялады.