Ыстанбұл қазақтары да қолдау көрcетіп жатыр

Түркияның Ыстанбұл қаласында тұратын қазақтар да жер сілкінісінен зардап шеккен аймақтың тұрғындарына гуманитарлық көмек көрсетіп жатыр. Қазірге дейін 160 мың АҚШ доллары көлеміндегі көмек жиналған.

«Ыстанбұлдағы қазақтар жер сілкінісінен зардап шеккендерге көмек жолдап жатыр Қазақстанның Ыстанбұлдағы Бас консулдығы, еліміздің белсенді азаматтары, студенттер және жергілікті қазақ диаспорасы Түркияның алапат зілзала салдарынан зардап шеккен аймақтарына гуманитарлық көмек жолдау бойынша белсенді жұмыс істеуде. Осы уақытқа дейін сомасы шамамен 160 мың АҚШ долларын құрайтын көмек жиналып, жөнелтілді. Атап айтқанда, балалар тағамдары, балалар киімдері, жөргектер, азық-түлік, жылы киімдер, көрпелер және т.б. қажетті өнімдер жолдануда. Гуманитарлық көмек түрік билік органдарының келісімімен жүзеге асырылып жатыр» деп жазылған хабарламада. Түркиядағы бас консул Әлім Байел сын сәтінде көмек қолын созып қолдауға жұмылған ыстамбұлдық қазақтарға алғысын жеткізді.

JQ-Aqparat