Ыстамбұлдағы терактіні жасаған Қырғызстан азаматы болып шықты

Түркияның құқық қорғау органдары Ыстамбұлдың түнгі клубында жаңажылдық түнгі лаңкестік әрекетті жасаған күдіктінің кім екендігін анықтады, деп хабарлайды Lenta.ru.

ҚазАқпарат хабарлағандай, алдын ала болжам бойынша шабуыл жасаған Қырғызстан азаматы Яхья Машрапов (Iakhe Mashrapov) болып шықты. Оның атындағы төлқұжаттағы бейнені TRT World түркі мемлекеттік телеарнасы көрсетті. Құжат 2016 жылғы 21 қазанда Қырғызстан тіркеу қызметімен берілген. Әзірге бұл ақпарат ресми расталған жоқ. Сондай-ақ әлеуметтік желіде Машрапов бейнесі түсірілген видео пайда болды. Терактіні жасаған тұлға әзірше бостандықта жүр. Күш құрылымдары оны іздестіріп жатыр. Ыстамбұлдың Зейтинбурн ауданында 2 қаңтарда жүргізілген арнайы қылмыскерді ұстау операциясы сәтсіз аяқталды. Reina түнгі клубында 39 адам терактінің құрбаны болды. Олардың ішінде 25 шетелдік бар.