Үш күнде 150 киберқылмыс ашылды

ІШкі істер министрлігі «Anti-fraud» жедел алдын алу іс шарасын өткізіп, үш күннің ішінде 150-дан астам киберқылмыстың бетін ашты. Қылмыстық кодекстің «Ақпаратқа заңсыз қол жеткізу», «Авторлық және сабақтас құқытарды бұзу», «Порнографияны тарату», «Арнайы техникалық құралдарды тарату» баптары бойынша қылмыс ашылып отыр. Сонымен қатар рейд барысында ІТ технологиясын пайдаланып жүзеге асырылған 13 ұрлық ашылды. Банктің шотынан ақша ұрлау фактісі де анықталды.
«Жамбыл облысының полиция қызметкерлері интернет-алаяқтық сериясына күдікті 20 жастағы Шымкент тұрғынын ұстады. Ол жігіт инстаграмнан жалған аккаунт ашып, жәбірленушілерге банктегі несиелерді төмен пайызбен қайта қаржыландыруға уәде беріп, оларға біреудің жеке куәлігін жіберген. Қазіргі уақытта күдіктінің 5 интернет-алаяқтық жасауға қатысы бар екені дәлелденді» деп жазды Polisia.kz.

JQ-Aqparat