Ұры алыстан келмепті

01 ақпан 2023, 10:54

Ақтөбе облысында көлік жүргізушісі бастығының үйін тонаған деп хабарлайды JQ-Aqparat Polisia kz-ке сілтеме жасап.
30 қаңтар күні Заречный-2 ауылындағы үйдің біріне ұрлыққа түскен күдікті 340 мың теңге қаражатты оған қоса 2 дана ноутбук, қымбат тонды және бағалы алтын әшекей алқаны үптеп кеткен. Жәбірленуші арызында келген залалды 4,1 миллион теңге деп көрсеткен. Тәртіп сақшылары ұрыны ұзатпай құрықтады. Сөйтсе, ұры алыстан келмепті, жәбірленушінің көлік жүргізушісі екен. Ұрлаған затын ломбардқа өткізіп жіберген 35 жастағы күдіктінің үстінен ҚР ҚК-нің 188-бабы 3-бөлігі «Ұрлық» бойынша сотқа дейінгі тергеу басталды.