Қыран құсты дрон аулауға үйретіп жатыр

Францияның әскери әуе күштері қыран құсын ұшқышсыз басқарылатын аппараттарды ұстауға үйретіп жатыр. Осылайша әскерилер жыртқыш құстар арқылы заңсыз бейне түсірілім жасайтын дрондармен күреспек.

31.kz хабарлағандай, әскери әуе күштерінің Мон-де-Марсан базасында қыран балапан кезінен бастап дрондарды ажыратуға үйретіледі екен. Әбден жаттыққан жыртқыш құс ұшу аппаратын көрген кезде оны жемтік деп, әп-сәтте қағып түсіретін болады. Мұндай тәжірибені француздар Голландиялық әріптестерінен үйренген. Бұл елде де кез-келген жерде еркін сатыла беретін дронға тосқауыл қою үшін қанаттылардың көмегіне жүгінеді екен.