YouTube Premium іске қосылады

Елімізде алдағы уақытта YouTube Premium іске қосылады. Бұл дегеніңіз аккаунт иелері осы контенттегі видеоларды жарнамасыз көреді, әрі жүктеп алып интернет жоқ жерде де қарай алады. Premium-нің бұдан өзге де мүмкіндіктері жеткілікті.
Цифрлық даму министрі Бағдат Мусин YouTube компаниясының өнімді басқару жөніндегі вице-президенті Адам Смитпен кездесіп, бірқатар келіссөздер жүргізді деп хабарлайды ведомствоның баспасөз қызметі.
«Кремний алқабында YouTube компаниясының өнімді басқару жөніндегі вице-президенті Адам Смитпен келіссөздер жүргіздім. Ынтымақтастық перспективалары мен компанияның Қазақстандағы түрлі сервистеріне қолжетімділікті кеңейту мәселесі талқыланды.
YouTube өкілдері биылғы жылы Қазақстанда YouTube Premium іске қосылатынын ресми түрде жариялады. Бұл біздің нарықтың ірі технологиялық компаниялар үшін барынша тартымды болып келе жатқанының көрсеткіші. Premium-ге өту мүмкіндігі біздің елде бұрын қолжетімді болмаған YouTube сервистеріне қол жеткізуге мүмкіндік береді. Premium-аккаунт иелері видеоларды жарнамасыз көре алады және оларды жүктеп алып, Интернетсіз де қарай алады және т. б. мүмкіншіліктер бар», – деді Б.Мусин.

JQ-Aqparat