Әуе апаты. 32 адам қаза болды (видео)

Бішкекте ұшақ апаты кезінде қаза болғандар саны 32-ге жетті, — деп хабарлады Бішкектен «ҚазАқпарат» тілшісі.   Сағат таңғы 10-дағы дерекке сәйкес «Манас» әуежайындағы апат салдарынан 32 адам қаза тапты, оның 4-еуі — ұшқыш. Бірінші вице-премьер-министр Мухамметкалы  Абулгазиевтің басшылығымен штаб құрылды. Оқиға орнында көлік, ТЖМ, денсаулық сақтау министрлері бар. Еске салсақ, 16 қаңтарда сағат таңғы 7.31-де Қырғызстанның Шу облысы   Сокулук ауданы  Дача-Суу  ауылында, әуежайға жақын жерде Гонконгтен Түркияға бет алған жүк ұшағы құлады. Авиалайнер «Манас» әуежайынан май құюды жоспарлаған. Алайда ауа райының қолайсыздығы салдарынан ол апатқа ұшырады.