Түрмеде теріс насихат жүргізген

Түрмеде жазасын өтеп жүрген сотталушы қамаудағылар арасында радикалды идеологияны таратып, насихаттап келген деп хабарлайды JQ-Aqparat ҚР ҰҚК баспасөз қызметіне сілтеме жасап.

Ұлттық қауіпсіздік комитеті Ішкі істер министрлігі қылмыстық атқару жүйесі мекемесінде 2020 жылдан бері қарай жазасын өтеп келе жатқан «У» есімді азаматқа қатысты терроризмді насихаттау фактісі бойынша қылмыстық істі тергеуді аяқтаған.
«2023 жылғы 5 қаңтарда Орал қаласының № 2 соты оны ҚР ҚК 256-бабының 1-тармағы бойынша кінәлі деп танып, 4,5 жылға бас бостандығынан айырды.
«У» 2020 жылдан бері түзету мекемесінде жазасын өтеу кезінде қамаудағылар арасында радикалды идеологияны таратып келген.

Сотталушының кінәсі қылмыстық іс материалдарымен толық дәлелденіп, сот шешімі заңды күшіне енгенін» мәлімдеді ҚР ҰҚК баспасөз қызметі.