
Анадолыны астаң-кестең еткен жер сілкінісі кезінде қазақстандық 4 азамат жоғалып кетті. Бұл туралы Түркияның Қазақстандағы Төтенше және өкілетті елшісі Уфук Екижи хабарлады.
Бүгін Астанада баспасөз мәслихатын өткізген елшінің айтуынша, жоғалған жерлестеріміздің үшеуі Хатайда, ал біреуі Аданада болған.
Бұған дейін IT-маманы Мірболат Құрмашевтің хабарсыз кеткені жөнінде ақпарат тараған еді.
Елші Уфук Екижи соңғы деректер бойынша Түркиядағы зілзала құрбандарының саны 7 мыңнан асқан. 42 мың адам зардап шегіп, 6 мың ғимарат қирады.
JQ — Aqparat