Түркияда зілзаладан қаза тапқандар саны үш мыңға жуықтады

Түркияның оңтүстігінде кеше таңға жуық болған жойқын зілзаладан қазақтапқандардың саны үш мыңға жуықтады деп хабарлайды JQ-Aqparat Анадолы ақпарат агенттігіне сілтеме жасап. Түркия төтенше жағдайлар басқармасының басшысы Жүніс Сезар бірнеше мәрте қайталанған жойқын зілзаладан қаза тапқан адамдардың саны 2921-ге жеткенін мәлімдеді. Төтеншеліктер жарақат алғандар 15 834 адам деп отыр. Түркияның вице-президенті Фуат Оқтай қираған үйлердің үйіндісінен 7840 адамның аман-есен құтқарылғанын айтты. Ф.Оқтай үйсіз қалған 388 мың адамның жатақханаға, оқу орындарының ғимараттарына орналасқанын да жеткізді. Түркия президенті Режеп Тайып Ердоған жеті күнге елде жалпыұлттық аза тұтуды жариялады. Мемлекеттің аумағындағы мекемелердің барлығынан да тулар төмен түсірілді.
Түркиямен шекаралас Сирия елінде де жер сілкісініснен бірнеше ғимарат қирап, қаза тапқан адамдардың саны бір мыңнан асты.