Түркияда зілзаладан қаза тапқандар саны сағат сайын өсуде

07 ақпан 2023, 13:33

Түркияның Кахраманмараш провинциясында зілзаладан көз жұмған адамдар саны 3381 адамға жетті, 20426 адам жарақат алды, деп хабарлайды JQ-Aqparat Анадолыға сілтеме жасап.

Оқиға орнында 24 мыңнан аса құтқарушы күні-түні жұмыс жүргізіп жатыр.

Бұған дейін Түркияның вице-президенті Фуат Октай үйінділер астынан 7840 адам құтқарылғанын хабарлаған еді. Жатақханаларда, университеттерде және баспаналарда 338 000 адам орналастырылған.

Президент Режеп Тайып Ердоған Түркияда апат құрбандары үшін 7 күндік Жалпыұлттық аза тұту туралы жариялады.

Тағы да сілкіністер қаупі болғандықтан, Түркия билігі халыққа үйлеріне қайта бармауға кеңес береді.