Түркия азаматына қазақстандық полицейлер көмектесті

Батыс Қазақстан облысының полиция қызметкерлері жолда қалған Түркияның азаматына көмектесті деп хабарлайды JQ-Aqparat Polisia.kz-ке сілтеме жасап.

Орал – Атырау күре жолының 35-інші шақырымында жол жиегінде бұзылып тұрған жүк көлігін байқаған полицейлер тоқтап, жағдайды білген. 50 жастағы түрік азаматы бұзылған көлігінің ішінде тоңып, ашығып қалғанын біледі де, дереу БҚО полиция департаментінің кезекші бөліміне хабарласып, тамақ алдырып, шетелдік азаматқа қонатын орын тауып, көлігіндегі жүктің қауіпсіздігін де қамтамасыз етеді. Түрік азаматының тіл білмеуі қиындық тудырғанымен, Батыс Қазақстан облысы Полиция департаментінің ресми өкілі Болатбек Нұрғожин түрік тілін меңгергендігінің арқасында шетелдік компанияның басшылығымен тілдесіп, жүргізушінің қауіпсіз жерде екенін айтып, алаңдамауды ескертті.