Түркістандық полицей суға батқан адамды құтқарды (Видео)

03 ақпан 2023, 19:25

Түркістан облыстық полиция қызметкері суға ағып бара жатқан ер адамды құтқарды. Сауран ауданының Шаға ауsлында түнгі кезекшілік кезінде учаскелік полиция инспекторы Абай Байжұман ер адамның тасыған қар суына батып бара жатқанын көріп қалады. Дереу көлігін тежеп, қызметтік киіммен суға сүңгіп, ағынның ортасынан ер адамды құтқарып алып шығады. Ажалдан аман қалған ер адам бірден жергілікті емханаға жеткізілді.

Күннің күрт жылуы, ауа-райымының жылымығы қалың қардың көбесін сөгіп, оңтүстікте бірнеше елді мекенді қызыл су басып жатыр. Түркістан облысының полицейлері екі күннен бері арнайы мамандар, құтқарушылармен бірге 200-ден астам адамды эвакуациялып қауіпсіз жерге орналастырды.