Түркістан: Полиция ұрлық жасағандарды жылдам табады

11 сәуiр, 15:02

Елімізде жүзеге асырылып жатқан «Қауіпсіз қоғам» жобасы кез келген құқық бұзушылықтың жолын кесуді көздейді. Түркістан өңірінің полицейлерінің күнделікті жұмысы осындай күрделі міндетті орындауға бағытталады. Ұсақ ұрлықтың ізін суытпай ашу да ұшқырлықты талап етеді.

Жуырда Түркістан қаласында күдікті жігіт түн ішінде біреудің үйіне кіріп, гаражынан болгарка, электронды ағаш кесетін арасын және басқа да заттарды ұрлап кетеді. Түркістан қалалық полиция басқармасының қызметкерлері жедел-іздестіру іс-шараларын жүргізіп, бұрын сотты болған жергілікті тұрғынның осы ұрлыққа қатысы бар екенін анықтады. Соның нәтижесінде қолды болған мүлік тәркіленіп, иесіне қайтарылды. Полиция күдікті адамның басқа қылмыстарға қатысы бар-жоғы тексеруге кірісті.
Түркістан қаласында футбол алаңында ойын болып жатқанда, күдікті жігіт ешкімнің қарап тұрмағанын пайдаланып, қараусыз жатқан сөмкедегі ұялы телефонды алып кетеді. Оны дереу сатып, ақшасын қалтаға басады.

Түркістан қалалық полиция басқармасының қызметкерлері жедел-іздестіру кезінде осы ұрлыққа қатысы бар жігітті тез тауып алды.

Оның да бұрын сотты сотты болғаны анықталды.

Телефоны өзіне қайтқан жігіттің полицияға алғысы шексіз.
Сондай-ақ полиция бағалы тон мен жүзік ұрлаған күдіктілерді ұстады.

Үй иесінің жоқтығын білген күдіктілер кешкі уақытта үйдің терезесі арқылы кіреді. Сөйтіп жатын бөлмедегі бағалы тон мен күміс жүзікті алып кетеді. Жәбірленуші шығын көлемін 500 000 теңге екенін жеткізді.

Түркістан қалалық полиция басқармасының қызметкерлері жедел-іздестіру іс-шараларын жүргізе келе, ұрлық қылмысына қатысы бар деген күдікпен бұрын сотты болған екі күдіктіні ұстады. Тексеру кезінде полиция күдіктілердің тағы бір ұрлыққа қатысы барын анықтады. Қырағы полицейлердің арқасында бағалы заттар тәркіленіп, заңды иесіне қайтарылды. Қазір екі күдікті қамауға алынып, іс сотқа өтті.

JQ-Aqparat

Суреттер: Түркістан облыстық полиция департаментінің баспасөз қызметі

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде