Түркістан: Бала қауіпсіздігін қамтамасыз ету – басты міндет

23 мамыр, 15:01

Түркістан облысында оқу жылының аяқталуына орай балалардың қауіпсіздігіне қатысты жан-жақты іс-шаралар өтуде. Түркістан облысы Кентау қаласындағы Ш.Қалдаяқов атындағы мәдениет сарайында қала әкімдігі мен қалалық білім беру бөлімінің ұйымдастыруымен «Ұлағатты ұрпақ тәрбиелеу – аса жауапты әрі күрделі міндет» тақырыбында ата-аналар форумы ұйымдастырылды.

Түркістан облысы полиция департаментінің баспасөз қызметі хабарлағандай, алқалы жиынға Кентау қаласы әкімінің орынбасары Ақнұр Байболова, қалалық мәслихат төрағасының міндетін атқарушы Бауыржан Жабанов, қала прокуратурасының прокуроры Бақберген Әбілқасымов, ПБ бірінші орынбасары полиция подполковнигі Данияр Түймебаев, ювеналдық полиция бөлімінің басшысы, майор Жанболат Ахметов, білім бөлімінің басшысы Әділ Ауелбеков, қалалық емхана басшысының ана мен бала денсаулығын қорғау жөніндегі орынбасары Әлия Андабасова, қалалық төтенше жағдайлар бөлімінің басшысы Серік Төлегенов, «Жастар ресурстық орталығының» басшысы Сұлтан Азат, ата-аналар, мектеп басшылары, тәрбие орынбасарлары, педагог-психологтар, әлеуметтік педагогтар мен сынып жетекшілер қатысты.

Жиынның мақсаты — қоғамда ата-ананың, ұстаздар мен оқушылардың мәдениетін қалыптастыру, олардың белсенділігін арттыру, ата-ананың бала тәрбиесіндегі рөлін күшейту, отбасы құндылықтарын насихаттауға қоса, жасөспірімдердің құқықтық сауатын арттыру мен жауапкершілігін күшейту. Сонымен қатар бала құқығы мен отбасы әлеуетін, білімі, денсаулығы, қауіпсіздігі сияқты өзекті мәселелер талқыланды.

Жиында сала мамандары бастамаларды қолдау және жүзеге асыру, балалар мен жасөспірімдер арасындағы келеңсіздіктердің алдын алу, ата-аналарға түрлі жағдайлардың туындау себебін және ата-аналардың жауапкершілігін түсіндіру, ата-аналарға профилактикалық түсіндірме жұмыстары жүргізу жайында сөз қозғады.

Кездесу барысында мамандар өз саласы бойынша баяндама жасап, ата-аналарға балалар қауіпсіздігін сақтауда ата-ананың жауапкершілігі жоғары екенін түсіндірді.

Полиция бөлімінің мамандары ата-аналарға жазғы кезінде балаларына немқұрайлы қарамауды, ересек адамның қарауынсыз, бақылауынсыз жібермеуді өтінді.

Форумда ата-аналар өздерін қызықтырған сұрақтарды сала мамандарына қойып, тұшымды жауап алды. Жиын барысында мамандар ата-аналармен тығыз байланыс орнатылып, тақырыптық кездесулер алдағы уақытта да жиі өткізілетінін айтты.

JQ-Aqparat

Суреттер: Түркістан облысы ПД баспасөз қызметі

13 маусым, 17:45
Түркістан: Полиция алаяққа алданбауға шақырады
13 маусым, 15:56
Түркістан: Құқық бұзушылар полиция құрығынан құтыла алмайды
13 маусым, 15:26
Түркістан: «Құқықтық тәртіп» және сақтық шаралары
13 маусым, 13:01
Түркістан: Учаскелік полицей халқына қалтқысыз қызмет етіп жүр
12 маусым, 17:49
Мирас Нысанәлиев: Наурызбай ауданында мемлекеттік-жеке меншік әріптестік шеңберінде әлеуметтік нысандар салынуда
11 маусым, 16:14
Болатбек қажы Ұласқанұлы: Ислам діні бейбітшілік пен тыныштықты қалайды
11 маусым, 14:58
Қарулы Күштері қуатты ел - қауіпсіз ел
11 маусым, 14:16
Түркістан облысында «Автобус» жедел-профилактикалық шарасы басталды
11 маусым, 13:54
Сапар Рахманшеев: Мақсатымыз - жас буынға ішімдіктің зиянын түсіндіру