Қ.Тоқаев: Димаш – аса дарынды музыкант

Парламент Сенатының төрағасы Қасым-Жомарт Тоқаев Қытайдың «I am singer» байқауында бақ сынап жүрген Димаш Құдайбергенге жылы лебізін білдірді.

«Өнерлі өрге жүзер» демекші, бүгінде жиырмадан енді асқан Димаш Құдай берген талантының арқасында Қазақ елін төрткүл дүниеге әйгілеп келеді. Атағы жер жарған шетелдік жұлдыздардың өзі жас әншінің зор даусына тәнті болып, ізгі тілектерін айтып, кездесуге ниет білдіріп жатыр.

Белгілі саясаткер, ҚР Парламенті Сенатының төрағасы Қасым-Жомарт Тоқаев та өнер жолындағы бауырына ыстық ықыласын жеткізді.

«Димаш Құдайберген белгілі әншілер отбасынан шыққан аса дарынды музыкант, бүкіл әлемге танымал болды. Өнер мансабың табысты болсын, бауырым!», — деп жазған Қ.Тоқаев.
Kassym-JomartTokayev @TokayevKZ
Димаш Құдайберген белгілі әншілер отбасынан шыққан аса дарынды музыкант, бүкіл әлемге танымал болды. Өнер мансабын табысты болсын, бауырым!

baq.kz