Тіркеуге тұрмаған адамдарға 12 млн теңге айыппұл салынды

Биыл үш ай ішінде Алматы облысының 2013 тұрғыны тіркеуі болмағаны үшін әкімшілік жауапкершілікке тартылды. Бұл туралы Алматы облыстық ІІД Көші-қон басқармасының басшысы Елмұрат Нұрсейітов брифинг барысында айтты.

«2017 жылдың 3 айында тұрақты тұрғылықты жері бойынша 72 710 адам тіркелген, олардың 87-сі электрондық үкімет порталы арқылы тіркелген. Ал уақытша тұрғылықты жер бойынша 52 020 адам тіркелген, олардың 632-сі электрондық үкімет порталы арқылы тіркелген. ҚР Әкімшілік құқық бұзушылық туралы кодексінің 492-бабына сәйкес, 2013 адам әкімшілік жауапкершілікке тартылды. Олардың 585-і — 492-баптың 1-бөлігі бойынша, 1427-сі — 492-баптың 2-бөлігі бойынша, біреуі 492-баптың 3-бөлігі бойынша жауапкершілікке тартылды. Жалпы көлемі 12 031 076 теңге айыппұл салынды», — деді Нұрсейітов. Сондай-ақ, 2016 жылы осы бап бойынша 1749 адамның жауапкершілікке тартылғаны айтылады. Tengrinews.kz хабарлағандай, ведомстводағылардың мәліметінше, бүгінде масс-медиа арқылы ақпараттық жұмыстар белсенді түрде жүргізіліп жатыр.