Теңізші әлемді 49 күнде айналып шықты

Франциялық теңізші Томас Ковиль жер шарын тримаранмен бір өзі тоқтамай жүзіп өтуден рекорд орнатты.

48 жастағы саяхатшы әлемді 49 күн 3 сағатта айналып шыққан. Осылайша 2008 жылы жерлесі Франсуа Жойон қойған рекордты жаңартты. Оның көрсеткіші 57 күн болатын. Жаңа рекордсмен бұл көрсеткішті бесінші мүмкіндігінде жасаған. Айтуынша, барынша тоқтаусыз жүзу үшін тәулігіне 3 сағаттан ғана ұйықтап, физикалық мүмкіндігін барынша пайдаланған.

Томас Ковиль, саяхатшы:
— Қайықты басқару қиын болды. Бір ғана қателік жіберсең, қаза табуың мүмкін. Бұл ешқандай қорғанышсыз тауға өрмелегенмен бірдей. Бірақ ең кереметі – жүзіп келе жатқанда көк аспан мен теңіздің ортасында өзіңді ұшып келе жатқандай сезінесің.

24.kz