Тарихи сәт: қазақтың қос қызы финалда белдесті

28 қантар 2023, 12:01

Португалияда өтіп жатқан Гран-при додасының финалдық белдесуінде қазақтың қос қызы татамиге шықты. JQ-Aqparat Португалияда өтетін гран-при додасына елімізде кімдердің аттанғаны туралы бұған дейін де хабарлаған болатын.

Қыздар арасындағы додада Әбиба Әбужақынова мен Ғалия Тынбаева
барлық қарсыластарын айқын басымдықпен ұтып финалға шықты. Қазақстанның дзюдосы тарихында Гран-при додасының финалына қыздарымыз жеткен емес. Міне, сол олқылықты Әбиба мен Ғалия толтырды. Финалда тәжірибелі Әбиба Әбужақынова Ғалия Тынбаевадан басым түсті.

Ерлер додасында 60 келіде сынға түскен Мағжан Шамшадин, Қанат Сейілхан, 66 келіде белдескен Сұңғат Жұбатқан, Айболат Ыстыбай іріктеу сынынан аса алған жоқ. Енді өзге балуандарымыздан үміт күтеміз.