Таңдау Нью-Делиге емес, Астанаға түсті

Астана қаласында күрес түрлерінен өтетін Азия чемпионатының күнтізбесі жарияланды. Күрес федерациясының баспасөз қызметі таратқан мәлімет бойынша құрлық додасын алдымен грек-рим күресінің балуандары бастайды. Одан екін әйелдер боз кілемге шықса, Азия аламанын еркін күрес шеберлері түйіндейді. 9-14 сәуір аралығында өтетін Азия чемпионаты негізі Үндістанның Нью-дели қаласында ұйымдастырылуы тиіс еді. Күнтізбелік жоспарға солай белгіленген болатын. Бірақ жарыс жақындағанда ұйымдастырушылар Үндістанды емес, Қазақстанды таңдады.
Күрес түрлерінен Азия құрлығында бәсекелестік өте жоғары. Демек, балуандарымызға өз елімізде өтеттін құрлық бәсекесінде жүктелер салмақ ауыр болатыны сөзсіз.

JQ-Aqparat