jasqazaq.kz

Тағы бір журналист сенатор болды

16 қантар 2023, 14:51

Орталық сайлау комиссиясы 14 қаңтарда өткен Парламент Сенатына депутаттарды сайлаудың түпкілікті қорытындысын шығарды.

ОСК мәліметінше, республиканың 20 өңірінен 20 мандатқа 55 кандидат дауысқа түсті. 3167 таңдаушының 2904 немесе 91,7 пайызы дауыс беруге қатысты.
Сенаттың жаңа құрамына 3 әйел кірді.

Соның бірі – белгілі журналист, «Бас редакторлар клубының» президенті, Ұлттық Құрылтай төрағасының орынбасары Бибігүл Жексенбай.

«20 жылдан астам уақыт Астана қаласында тұрамын. Кезінде микрофон құшақтап, біраз мәселені көтердім. Халықты қандай мәселе толғандыратынын, елдің жай-күйін журналист ретінде, қоғам белсендісі ретінде көріп жүрміз. Оны нақты қалай шешуге болатынын білемін. Сондықтан осы бағытта көп проблеманы шешуге өз үлесімді қоссам деп сайлауға түстім», — деді ол журналистерге берген сұхбатында.

Бибігүл Жексенбай өз бағдарламасында қалаға қатысты біраз мәселені көтергенін айтты: «Елордамыздың цифрланғанын, әлемдегі ең мықты астаналардың қатарына қосылғанын көргім келеді. Журналист ретінде көптеген мемлекетті аралап жүрміз. Олардың керемет жетістіктері Елордамызда да болғанын қалаймын. Сондықтан бүгін өз таңдауын жасаған мәслихат депутаттарының үміт-сенімін қолымнан келгенше ақтауға тырысамын».
Жаңадан сайланған сенатор журналистердің де мүддесін қорғауға уәде берді.
«Мен 30 жылдан бері журналистика саласында жүргеннен кейін журналистердің мүддесін қорғауға барынша атсалысамын. Негізгі мәселелерін жақсы білемін. Біздің кәсіби тұрғыдан да жетілетін тұстарымыз өте көп. Қоғамның және биліктің журналистке деген көзқарасын өзгертіп, нақты бір шешімдерді енгізуге барынша атсалысамын», — деді ол.

Jas qazaq қызметкерлері Бибігүл Жексенбайдың сенаторлық жұмысына сәттілік тілейді.

Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді