«Түрік ағыны» мақұлданды

Ресей Федерация Кеңесі «Түрік ағыны» газ құбыры желісі келісімін мақұлдады. Аталған құжат парламенттің төменгі палатасы Думада 20 қаңтарда бекітілген еді.

Turkiye.com.tr сайты жазғандай, жоба Ресей газын Түркия арқылы Еуропаға тасымалдауды көздейді. 2016 жылы Ыстамбұлда екі елдің үкіметтері осы келісімге қол қойған болатын.
«Түрік ағыны» табиғи газды екі тармақпен тасымалдайды. Екі тармақтың жалпы қуаты – 32 млрд текше метр. Газ құбырының құрылысы 2017 жылы басталып, 2019 жылдың соңында аяқталады деп жоспарлануда.
Айта кеткен жөн, Ресей екі жыл бұрын табиғи газды Еуропаға жеткізуге бағытталған «Оңтүстік ағын» жобасынан бас тартқан еді.

Әбдіманап Кеңес