Сымбатын сақтаған 70 жастағы әжей елді таңқалдырды (фото)

70 жас – кәрілік жас. Бұл жаста көп ата мен әже немересін бағып үйде отырады. Ал 70 жастағы Нинель Блохинаны көрген жан оның жасына сенбестік білдіретін анық.

Қай жерде болмасын оның жасы нешеде екенін білген жандар таңданып жатады екен. Оған әжейдің өзі де үйреніп кеткен.

Сымбаты да, ширақтығы да қыз кезіндегі қалпын сақтап қалған Нинель әжей үйіне кілем төсеп, шкафтар мен артық жиһаздар қоймайды. Ол тіпті артық есіктердің өзін еркін сезінуге кедергі келтіретінін айтады.

Оның белсенділігі зейнетке шыққан соң тіптен артқан. Жас кезінде балетпен айналысқан ол Калиноград телевидениесінде қызмет еткен. Кейіннен Германияда тұрып, жергілікті гимназияда хореограф болып жұмыс істеген.

Нинельдің йоганы да жаны сүйеді.

«Йогамен балеттен кеткен соң айналыса бастадым. Спортсыз жүре алмайтынымды білген соң, йоганы қолға алдым. Йогамен айналысқалы бері, омыртқа жарақатым қалпына келді», – дейді ол.

«Мен барлық тамақты жей берем. Тек мөлшермен жеймін. Жасанды тағамдарды алмаймын. Көкөніс пен жемістерді, тәттілерді жақсы көрем», -дейді әжей.

Ол ауырған кезде де дәрі-дәрмек қолданбай таза ауада серуендеп келетінін айтады.

Сымбатын сақтап қалудың сырымен бөліскен әжей қолаң шашының құпиясын да айтып өтті.

«Шашыма үнемі күтім жасаймын. Аптасына бір рет жуар алдында  1 сағат май жағамын. Фен қолданбаймын. Ол шашты құрғатып жібереді», – дейді әжей.

Stan.kz