Суда қалған 100-ден аса киік құтқарылды

Көктемдегі қызыл су еліміздің әр аймағында әбігерге салып жатыр. Батыс Қазақстан облысы, Қазталов ауданында жүзден астам киік судан шығарылды. «Бөкейорда» мемлекеттік табиғи резерватының директоры Ұлан Мамырбаев Ақпәтер ауылдық округінде Қараөзеннің мұз көбесі сөгіліп, ағыс күшейген соң киіктердің су ортасынан шығуы киындағанын айтты.

«Аталған жайт бойынша резерват қызметкерлері «Охотзоопром» ӨБ» РМҚК, БҚО орман шаруашылығы және жануарлар дүниесі аумақтық инспекциясы, аудан әкімдігінің өкілдерімен бірге оқиға орнына жедел жетіп, мәселені анықтады. Қызметкерлер мұз үстінде жүрген киіктердің аман өтуіне көмектесті. Сын сәтінде киіктердің мұз үстінде қалғаны немесе шығынға ұшырағаны туралы дерек тіркелген жоқ», – деді Ұ.Мамырбаев.

JQ-Aqparat