Құсты қолтығына тығып әкетуге тырысты

Осы Астанада Біріккен Араб Әмірліктеріне контрабандалық жолмен құс әкетпек болғандардың жолы кесілді. Шекарашылар Шаржыға бет алған ұшаққа жүк тиеу барысында кейбір сөмкелерге 32 сұңқар салынғанын анықтады.

ktk.kz хабарлағандай, ұшақтың жүксалғышына салынбақ болған бұл сөмкелерде тіркеу жапсырмалары болмай шықты. Күдік туғызған соң шекарашылар олардың ішін ашып қараған. Сөйтсе, 32 бас сұңқар әр сөмкеге 4-4-тен бөліп салынған екен. Қызыл кітапқа енгізілген бұл құстардың жалпы құны 380 миллион теңгеден асып жығылады. Істің мән-жайымен енді құқық қорғау органдары айналысады.