Ол абақтыдан кеткісі келмейді

Оңтүстік Қазақстанда  рақымшылықтан бас тартқан сотталушы бар. Бұл туралы облыстық прокуратурада өткен рақымшылық заңының қолданылу мәселелері талқыланған дөңгелек үстелде мәлім болды.  Рақымшылықтан бас тартқан азамат бұл әрекетін жазасының өтелмеген бөлігін неғұрлым жеңіл жаза түріне ауыстырудың мерзімі келгенімен түсіндірген, деп хабарлайды Otyrar.kz. Жалпы, құзырлы орган өкілдерінің хабарлауынша, облыста 90 қылмысты іс бойынша 113 тұлға рақымшылық заңына ілініп отыр. Бүгінге дейін облыс соттары 25 қылмысты іспен 42 сотталушыны қылмысты жауапкершіліктен босату туралы үкімін шығарып үлгерген. Ал сотталғандардың бірі өзіне қатысты кешірім жасау актісінің қолданылуына қарсы болып отыр.