Сирияға көмек – 50 тонна

Үкімет үйінде Премьер-министрдің бірінші орынбасары Роман Склярдың төрағалығымен өткен отырыста Сирияға гуманитарлық көмек жіберу мәселесі талқыланды. Президент Қ.Тоқаевтың Сирияға көмек жіберу жөніндегі тапсырмасына сай ортақ шешім қабылданып, зілзаладан зардап шеккен елге Қазақстан 50 тонна гуманитарлық жүк жіберетін болды. Гуманитарлық көмек есебінде мемлекеттік материалдық резервтен консервіленген тағам өнімдері, жылы киім-кешек, қысқы маусымға арналған шатыр, кереует, төсек-орын жабдықтары жіберіледі. 50 тонна жүк Сирияның Алеппо қаласына төрт әуе рейсімен Ислам ынтымақтастық ұйымы арқылы жөнелтіледі.

Сирия елінде болған жойқын зілзаладан қайтыс болғандардың саны 2802 адамға жетті, жарақат алғандардың да саны 5 мыңнан асты.

JQ-Aqparat