Шымкенттегі отбасы газ иісінен аман қалды

Оңтүстікте жылу маусымы басталмай жатып, газдан улану жағдайлары тіркелді. Бір отбасы түгелдей зардап шеккен. Уланған 4 адам бірден ауруханаға түсіпті. Оқыс оқиға көп қабатты үйде түнгі уақытта болған.

Абырой болғанда, отбасы мүшелерінің бірі – газдың иісін сезіп, тез арада жедел жәрдем шақырады. Мамандар науқастарға дер кезінде медициналық көмек көрсетіп, аман алып қалды. Қазір олардың жағдайлары бір қалыпты, –  дейді облыстық оксигенация орталығының дәрігерлері.

Айта өтейік, былтыр тұрмыстық газ ақауларының салдарынан 29 адам зардап шексе, жыл басынан бері өңірімізде 15 адам газ иісіне уланып, оның 11-і қайтыс болған.