Шымкентте зейнеткер тірідей өртеніп кетті

Таңғы 7-нің кезінде Морис Тереза көшесінде өрт шығып, оқиға орынына бірнеше өрт сөндіру көліктері мен “Медициналық апат” орталығының қызметкерлері жіберілген. Бұл туралы stan.kz хабарлады.

Барақ сияқты үйлердің біріндегі пәтер жанған екен. Өрттің ішінде 80 жастағы зейнеткер қалып кеткен.

“Ол жалғыз тұратын егде әйел. Бұрын экспедицияда жұмыс істеген, соңғы уақытта зейнетте болған. Оны күндіз көршілері күтіп, қарап, ал түнде жалғыз қалатын болған”, – дейді таныстары.

Көршілерінің сөзінше, былтыр ол инсульт алып, жағдайы нашарлаған. Әжейге бүкіл көше тұрғындары қамқорлық білдіріп келіпті. Өрт сөндірушілер өрт аумағы таралып кетпей тұрып, сөндіріп үлгерген. Өрт жалпы аумағы 8 шаршы метрді шарпыған.