jasqazaq.kz

Шымкент пен Оңтүстік Корея арасындағы ынтымақтастық нығая түспек

27 наурыз 2023, 18:27

Алдағы уақытта қос тарап сауда-экономикалық және мәдени байланыстарды күшейтуге уағдаласты.

Бүгін Шымкент қаласының әкімі Мұрат Әйтенов Қазақстан Корейлер Қауымдастығының өкілдерін қабылдады. Кездесу барысында Корея Республикасы мен Шымкент қаласы арасындағы өзара ынтымақтастық, мәдени және этносаралық байланыстарды нығайту мәселелері талқыланды. Бүгінгі таңда үшінші мегаполисте 6 618 корей тұрады. Екі елдің дипломатиялық қатынастары нәтижесінде Шымкент пен Оңтүстік Корея арасындағы тауар айналымы жылдан жылға артып келеді. Былтыр тауар айналым көрсеткіші 45 466,18 мың АҚШ долларын құрады. Бұл 2021 жылдың сәйкес кезеңімен салыстырғанда 188% — ға жоғары. Қазір елімізде Samsung, Hyundai, Lotte, Posco, KNOC және басқа да жетекші корпорацияларды қоса алғанда, корей капиталы бар 550-ден астам кәсіпорын жұмыс істеуде. Алдағы уақытта қос тарап сауда-экономикалық және мәдени байланыстарды күшейтуге уағдаласты.

Оңтүстік Корея сауда-инвестициялық және технологиялық ынтымқатастықты дамыту тұрғысында Қазақстан үшін 10 басымдыққа ие мемлекеттердің бірі. Еліміз қарым-қатынасты тереңдету және осы бағытта жаңа мүмкіндіктерді жүзеге асыруға ынта танытып отыр. Осы салада сәтті үлгілер көп, олардың бірі – кореялық компанияның қатысуымен Үлкен Алматы айналма жолының құрылысы бар. Кәріс бизнесі Қазақстанның тамақ өнеркәсібі, тау-кен байыту өнеркәсібі, автомобиль және басқа да салларында табысты жұмыс істеп келеді.

Қазақстан мен Оңтүстік Корея арасындағы байланыс жөнінде тарихқа сәл көз жіберсек. Қазақстан 1992 жылы 28 қаңтар күні Оңтүстік Корея және Солтүстік Корея Республикасымен дипломатиялық қарым-қатынасын қатар орнатты. Содан бері 29 жыл бойы екі елмен дипломатиялық байланысын дамытып, бірімен стратегиялық серіктестік деңгейіне жетсе, біріне өзінің даму жолын ұсынған үлгілі мемлекет ретінде әлемге танылды. Сондықтан бұл Қазақстанның беделіне бедел қосуда. Алдағы уақытта оның саясаты өз жемісін беріп, бейбітшілік пен тұрақтылық үшін жұмыс жасай беретінін айқындай түседі. Аталған елдер арасында ресми сапарлар мен экономикалық байланыстар, түрлі сапарлар мен дипломатиялық келіссөздер одан әр жанданып, дами түседі деген ойдамыз.

Бибайша Нұржанқызы

16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті