Шығыста қар көшу қаупі мол

Шығыс Қазақстан облысының таулы аймақтарында қар көшкіні жүру қаупі бар деп хабарлады облыстық өтенше жағдайлар департаментінің баспасөз қызметі. 21-23 ақпан аралығында таулы аймақта жүру қауіпті екенін ескертті төтенше жағдайлар департаменті.

«Метеорологиялық жағдайдың өзгеруіне, қардың толастамай жаууына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте, тұрғындарға барынша абай болуды, ешбір жағдайда тауға шықпауды ескертеміз. Егер қандай да бір қиындыққа тап болғанда бірден «112» нөміріне қоңырау шалу қажеттігін», — ескертті ведомство өкілдері. Құтқару қызметінің мамандары шығысқазақстандықтарға алыс сапарға шығарда күн райын бағып, жолдардың жайын «Дәрмен» қосымшасы арқылы тексеріп алу қажеттігін ескертті.

JQ-Aqparat