Шетелдіктер 8 есірткі зертханасын іске қоспақ болған (Видео)

15 наурыз 2023, 10:40

ІІм, ҰҚК, ҚМА және Алматы облысы ПД ведомствоаралық тобы жүргізген арнайы операция кезінде ғаламтор арқылы синтетикалық есіртікіні өндіріп әрі елімізде таратуды көздеген трансұлттық қылмыстық топтың қызметі жойылды. Бұл туралы Polisia.kz хабарлады.
Былтыр Алматы облысында жергілікті полиция департаментінің жедел қызметкерлері арнайы шара жүргізіп, облысы аумағында үш жасырын зертханада синтетикалық есірткі өндірумен шұғылданған сегіз шетелдік ұсталған.

«Жедел-іздестіру шаралары барысында полиция қосымша осы қылмыстық топты қаржыландыруға, сондай-ақ прекурсорларды (есірткі өндірісіне қосатын химиялық қоспа) және зертханалық жабдықтарды шетелден Қазақстанға жеткізуге жауапты екі шетелдікті, яғни негізгі ұйымдастырушыларды анықтады. Прекурсорларды жеткізуді, сақтауды және өткізуді ұйымдастырған ұйымдастырушылардың бірі Алматы қаласында ұсталды. Тінту барысында ол жалға алған алты қоймадан есірткі өндіруге қажетті сегіз бірлік «реактор» деп аталатын арнайы зертханалық жабдық және 13 тонна пркурсорлар тәркіленді. Соның нәтижесінде елімізде екі тонна синтетикалық есірткі өндіру (бұл 4 млн бір реттік доза) және сегіз ірі есірткі зертханасын құруға жол берілмеді. Сондай-ақ синтетикалық есірткі өндіруге арналған 30 бірліктен астам жабдық, оның ішінде вакуумдық сүзгілер, терморегулятор, сорғылар тәркіленді. Үш жеке үй мен үш автокөлікке тиым салынды» деп жазды Polisia.kz.