jasqazaq.kz

Шекарадан заңсыз өткендерге жаза күшейтіледі

10 қантар 2023, 16:46

Елімізде Таяу Шығыс пен Ауғанстандағы тұрақсыз жағдайға байланысты мемлекеттік шекараны кесіп өткендерге қолданылатын жаза күшейтіледі. Мұндай өзгеріс «ҚР кейбір заңнамалық актілеріне Қылмыстық, Қылмыстық-процестік және Қылмыстық-атқару кодекстерін оңтайландыру мәселелері бойынша өзгерістер мен толықтырулар енгізу туралы» Қазақстанның Заң жобасында қаралған, деп хабарлайды JQ-aqparat.

Заңның жаңа редакциясында «Қазақстан Республикасының мемлекеттiк шекарасын қасақана заңсыз кесіп өткен шетелдік немесе азаматтығы жоқ адам Қазақстан аумағынан тысқары 5 жыл мерзімге шығарыла отырып, оған 2 000 айлық есептік көрсеткiшке дейiнгi мөлшерде айыппұл салынады не 3 жылға дейін бас бостандығынан айырылады», — деп жазылған.
Жазаны қатаңдату шарасы Таяу Шығыстағы тұрақсыз жағдай мен Ауғанстандағы ахуалға байланысты қабылданып отыр.

«Жақында Таяу Шығыстағы тұрақсыз жағдай және Ауғанстандағы жедел жағдайдың шиеленісуі үлкен алаңдаушылық туғызды. Осыған байланысты жалған құжаттар бойынша ел аумағына заңсыз кіру әрекеттері жиілеп кетті. Сонымен қатар, қолданыстағы қылмыстық заңнама Қазақстан Республикасы Мемлекеттік шекарасын қасақана заңсыз кесіп өтуге әрекет жасағаны үшін адамдарды жауапқа тартуға мүмкіндік бермейді. Өйткені бұл әрекет ауырлығы аз қылмыстарға жатқызылған», — деп түсіндірме берілген.

Ал қолданыстағы заң бойынша шекараны заңсыз кесіп өткендерге қолданылатын ең қатаң жаза – 1 жылға дейін бас бостандығанан айыру. Енгізілгелі отырған өзгерістерге сай, енді мұндай қылмыстар үшін кінәлі 3 жылға дейін сотталуы мүмкін.

Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді