Шавкат Мирзияев қазақты адал досымыз деп есептейді

Премьер-министрдің бірінші орынбасары Асқар Мамин бастаған Қазақстан делегациясы Ташкентте болды деп хабарлайды primeminister.kz.
Cапар барысында Өзбекстан президенті міндетін уақытша атқарушы Шавкат Мирзияевпен келіссөздер болды.

Шавкат Мирзияев Қазақстан басшысына Өзбекстан халқы және жеке өз атынан алғыс айтты.

«Қиын күндерде Нұрсұлтан Әбішұлы жанымызда болды. Қазақ халқы – біздің сенімді де адал әрі жақын досымыз» деді ол.

Сонымен қатар Мирзияев екі ел арасындағы сауда-саттықтың жағымсыз үрдістерін өзгерту қажеттігін айтты. «Аз уақыт ішінде сауда айналымын екі есе арттырып, бес миллиард долларға жеткізуіміз керек» деді ол.

Асқар Мамин Қазақстан басшысы Нұрсұлтан Назарбаевтың Өзбекстанмен ынтымақтастықты дамытуға айрықша мән беріп отырғанын жеткізді.

nur.kz