Шаржадан қайта алмай шаршағандар

Ауарайының қолайсыздығы салдарынан Шарджа әуежайында Алматыға, Астанаға рейстерді кейінге қалдырды. Бұл туралы ҚР ИДМ Туризм индустриясы департаментінің директоры Марат Иғалиев мәлім етті, деп хабарлады «ҚазАқпарат» ХАА.  «Ауа райының нашарлауына байланысты (тұман) Шарджа қаласының әуежайында авиарейстердің ұшырылымын кейінге қалдыруда. «Эйр Арабия» авиакомпаниясының деректеріне сәйкес бүгін Шарджадан екі рейс ұшуы қажет болатын: Алматыға (160 адам) және Астанаға (140 адам) рейстер кейінге қалдырылды», — деп жазды Facebook-тағы парақшасына Иғалиев. ҚР СІМ консулдық қызмет департаментінің хабарламасына сәйкес Шарджа әуежайында Дубайдағы ҚР Консулдығының қызметкерлері тұрақты жұмыс жүргізуде. Дубайдағы ҚР Консулдығы кезекші дипломатының телефоны+9-71-433-97-151, +9-715-884-50-900. Туризм индустриясы департаменті Дубайдағы ҚР Консулдығымен тұрақты байланыста, — деп атап өтті ол.