Серік Ибрагимов троллейбус жүргізушісі болды

Біресе жаяу жүріп, біресе пойызға отырған Серік Ибрагимов енді троллейбус жүргізушісі болып “жұмысқа” кірді. Ол желідегі парақшасына троллейбус рөлінде отырған суретін жүктеп қойды. Бұл туралы Stan.kz хабарлайды.

Үнемі қалжыңдағанды ұнататын әнші бөліскен суретінің тұсына: “Еңбектің наны тәтті. Прямо по Абая”, – деп жазып қойды.

Ибрагимовтің бұл әрекеті желі оқырмандарын күлкіге қарық қылды.

Желідегілер жаңа “қызметінің” Серікке жараса кеткенін айтып жатты. Ендігілер қоғамдық көліктің ішінде адам баласы жоқ екенін алға тартып, қалжыңдады.

“Жаяу жүріп шаршап, автобусқа міндің ба?”, “Кондуктор керек па?”, “Ішінде адам жоқ қой”, “Жаяу жүруші едің ғой”, – деп жазды олар.