Сенат спикеріне Мәулен Әшімбаев сайланды

ҚР Парламент Сенатының төрағасы лауызымына Мәулен Әшімбаев тағайындалды деп хабарлайды JQ-Aqparat.

Президент Қасым-Жомарт Тоқаевтың Жарлығымен бірқатар депутаттар Парламент Сенатына сайланған болатын. Мемлекет басшысы Сенат спикері лауазымына Мәулен Әшімбаевтың кандидатурасын ұсынған жоғары палата отырысында.

«Өздеріңіз білесіздер, менің Жарлығыммен Мәулен Сағатханұлы Әшімбаев Сенат депутаты болып тағайындалды. Конституцияның 58-бабының 1-тармағына сәйкес Сенат Төрағасы лауазымына Мәулен Сағатханұлы Әшімбаевтың кандидатурасын ұсынамын. Ол бұған дейін осы міндетті абыроймен атқарды. Заң шығару жұмысын жақсы біледі. Мемлекеттік қызметтегі тәжірибесі мол. Сондықтан, оны Сенат Төрағалығына лайықты деп санаймын. Сенаттың қызметі табысты болсын!» деді Қ.Тоқаев. Сенаторлар президент ұсынған кандидатураны бірауыздан қолдап дауыс берді.