Семейде қоразға құрмет көрсетілді

Бүгін биологиялық орталықтағы үйірмеде оқушылар келер жылдың иесіне көкөністің төрт түрінен жем әзірлеп берді. Сондай-ақ, олар санаулы күннен кейін қол бұлғайтын мешінді де ұлықтауды ұмыт қалдырмады.

ktk.kz хабарлағандай, Маймылдың аты абубуча. Ол өте ақылды. Егер бізге қауіп төніп тұрса, қатты дауыс шығаратын. Сонымен бірге алма, банан тәрізді жеміс-жидек жегенді ұнатады.

Биыл оқушылар мешіннің бағыт-бағдарының арқасында толағай табысқа қол жеткізіпті. Елімізде өткізілген түрлі олимпиададан үйірмедегі 86 бала жеңіспен оралған екен. Бір қызығы, олар жарыс жолына шықпас бұрын мешіннің көңіл-күйіне сүйеніп отырған көрінеді. Өйткені ол қуанса жеңіп, ал түнерсе жеңілген. Осылай ырымға сенген балалар биологиялық орталықтағы тауықтың бес түрінен брама тұқымдас әтешті таңдаған екен. Себебі, ол алып денелі, әрі жылдам қозалады. Тіпті, алдындағы жемін де тез жеп үлгереді. Оның осы қасиетін көргендіктен келер жылы өздеріне сәттілік әкеледі деп топшылайды.