Семейде көпірден секіріп өлмек болған адамды құтқарып қалды (видео)

Семейде көпірден секірмек болған азаматты оқиға куәгерлері құтқарып қалды.

Әлеуметтік желіде тараған видеода көпірдің жақтауына шыққан жігіттің Ертіс өзеніне секіргелі тұрғаны байқалады. Ал тас жолдан өтіп жатқан көліктер тоқтап, көмек көрсетуге əрекет етіпті. Олар суицид жасамақ болған азаматты ұстап үлгерген. Өзіне қол жұмсамақ болған жанды көпшілік көліктің тросымен көпірдің қоршауына байлап тастаған.

Белгілі болғаны — видеоны жергілікті тұрғындардың бірі түсіріп алған.

«Өзіне қол салмақ болған азамат 1969 жылы туған қала тұрғыны. Ішімдік тұтынбаған. Алайда бұл қадамға неліктен барғаны белгісіз. Қазір бəрін анықтап жатырмыз. Онымен психологтар жұмыс істеуде»- дейді жергілікті ІІБ басапсөз қызметінің бастығы Елеубек Оспанов.

https://www.youtube.com/watch?v=kZ5RaGD24s0&feature=youtu.be

NUR.KZ