Салтанат Байқошқарова: Күйеуіңе сенбе, босағаңа сен

Медицина саласының маманы, ЭКҰ дәрігері Салтанат Байқошқарова Kozqaras подкастта берген сұхбатында тұрмысқа шыққан қыздарға кеңес берді.

«Атамның сөзі миымда қалып қойыпты. Қыздарға «ешқашан күйеуіңе сенбе, босағаңа сен, босағаң сені қалдырмайды» деп айтатын. Күйеуіңе сенбе дегені өзіңе сен дегені ғой. Байқошқар атамның бұл сөзінде өте терең мағына бар екен. Өйткені күйеуің тастап кетуі мүмкін, тірлікке жарамсыз болуы мүмкін, о дүниелік немесе ауру болып қалуы мүмкін. Не деген сөздерді айтып кеткен деп кейде таңғаламын. Әйел негізі ермен қатар жүріп, бірге қимылдамаса, күйеуіне ғана сеніп отырса түкке де жетпейді. Жас қыздарға маман атанып, кәсіпкер болыңдар деп айтқым келеді», – деді ол.

JQ-Aqparat