Румын футболшысының Қазақстандағы жалақысы қандай?

«Астана» клубының жаңа ойыншысы Аздрен Лулаку румыниялық Orange.ro сайтына берген сұхбатында жаңа командаға ауысу туралы шешім қабылдағанда нені басты назарда ұстаған айтып берді.

— «Астананы» не себепті таңдадыңыз?

— Бұл команда еуропалық ірі додаларға қатысады. Жасыратыны жоқ, шешім қабылдаған кезде жаңа командамның ұсынған жалақы мөлшеріне басты назар аудардым. «Астанадан» бөлек Түркия, Бельгия, Польша, Қытай және Жапония клубтары тарапынан ұсыныстар болды. Алайда, мен «Астананы» таңдадым.

Жаңа жалақым — арманымның шындыққа айналғанындай. Ендігіде, отбасыма жақсы қаржылай қолдау көрсете аламын, — дейді Аздрен Лулаку.

Айта кетейік, Аздрен Лулаку румыниялық «Газ Метан» клубынан ауысып келді. «Астанада» ол бұрынғы командасында алған жалақысынан 12 есе көп алады, яғни айына 40 мың еуро көлемінде.

alzhan.kz