Роналдудың қолтаңбасы бар жейде 86 мың евродан асты

Аукционға қойылған португалиялық футболшы Криштиану Роналдудың қолтаңбасы қойылған футболка бастапқы бағадан бес есеге қымбаттады. Егер сауданың бірінші күні 15 мың евродан сәл аз болса, екінші күні кешке баға 86 мың евроға көтерілді.

Жұлдызды футболшының жейдесін «Атланта» қорғаушысы Мерич Демирал аукционға қойды. Ойыншы Түркиядағы жер сілкінісінен зардап шеккен отандастарына көмектесу үшін ақша жинайды. Сатылымға қойылған қолтаңбасы бар футболка итальяндық «Ювентус» сапында ойнаған Криштиану Роналдуға тиесілі. Сауда-саттықтың алғашқы сағаттарында Демирал 300 000 лира (14 832 евро) жинаса, бір күннен кейін бұл көрсеткіш алты есеге — 1 750 000 лираға (86 613 евро) өсті.

JQ-Aqparat