Ресейдегі Ор өзеніне шомылуға тыйым салынды

Ресейдің Орынбор облысында Ор өзеніне тұрғындардың шомылуына тыйым салынды. Шенеуніктер, тіпті жұрттың қорасындағы малын осы жерден суаруына рұқсат бермей отыр.

Өйткені, өзеннің Ақтөбе облысын кесіп өтетін аумағында балықтар жаппай қырылған еді. Енді бұған алаңдаған ресейліктер күн сайын судан сынама алып, қауіпсіздігін тексеруде. Тіпті шекара бойындағы өзен арнасына су сүзетін қондырғы қойыпты. Ал тұрғындарға салынған тыйымның қанша уақытқа дейін созылары белгісіз. Дегенмен, ақтөбелік экологтар Орда ешқандай қауіп жоқ, 0 деп жайбарақат отыр. Олар бұған дейін балықтың қырылуына судан табылған аммиак пен мырыштың кесірі тигенін айтқан еді. Ол су жағасындағы мал тезегінен бөлінген көрінеді.

ktk.kz