Рамазан айы – рухани жаңғыруға мүмкіндік

20 наурыз 2023, 17:03

Бүгін Орталық коммуникациялар қызметінде өткен брифингте Наурызбай қажы Тағанұлы «Қасиетті Рамазан айы — сауап жасау, рухани тұрғыдан өз-өзіңді жаңартуға мүмкіндік айы» екенін еске салды.

Қасиетті Рамазан айы биыл наурыздың 22-нен 23-не қараған түні болып белгіленді.
Пітір садақасы жан басына — 535 теңге.

Сәуір айының 17-нен 18-не қараған күні – қасиетті Қадір түні.
21 сәуір — Ораза айт.
Биыл Қасиетті айда «Зекет және қайырымдылық» қоры бірнеше қайырымдылық жобаларды жүзеге асырады. Атап айтқанда, «Шарапатты Рамазан», «Рамазан қоржыны», «Рамазаннан тәберік» шаралары өтеді.

Сондай-ақ Наурызбай қажы барша қазақстандықтарға өз тілегі мен үндеуін жеткізді.
«Осы сәтті пайдаланып, барша қауымға қасиетті Рамазан айында арақ-шарап ішілмесе және дүкендерде сатылмаса, мүмкіндігінше құдайы ас кешкі ауызашар уақытында өткізілсе деген тілегімді жеткіземін. Алла Тағала Рамазанның құрметі үшін жасаған жақсы ісіміздің себебімен баршамызды жақсылыққа кенелткей, — деді Наурызбай қажы Тағанұлы.
Діни ақпарат беру орталығы Рамазан айына байланысты, не болмаса қандай да бір діни сауалдар туындаса, сұрақтарға жауап беруге дайын. Тұрғындардың сауалдарына жауап беретін орталықтың нөміріне 8 707 233-30-30 ұялы байланыс арқылы хабарласуға болады.

JQ-Aqparat

26 ақпан, 15:10
Дархан Мыңбай: Кәсіпкерден дәметіп күнелтетін масылдар, әкімдік есігінен сығалауға машықтанған тоғышарлар бар
26 ақпан, 12:34
Қазақ баспасөзі: Сантараулы салалық журналистика
25 ақпан, 14:23
Фатима Жүнісова: Диванда жатып, «мемлекет асырасын» дейтіндер жетістікке жете алмайды
22 ақпан, 15:50
Кәдірбек Құныпияұлы: Газет санасы сарабдал, ойлы да сауатты оқырманмен бірге мәңгі жасай бермек!
21 ақпан, 16:51
Масылдық психологиядан қалай арыламыз?
21 ақпан, 14:48
Мақсұтбек Пірметов: Бізге артылған жауапкершіліктің жүгі ауыр
14 ақпан, 15:49
«Сізде болады. Бізге болмай ма?»
01 ақпан, 11:05
Тумысы бөлек тұлға
30 қантар, 12:21
«Құдаша қыз моладая». 500-ден астам «әнімен» мақтанатын «инкубатор» сазгерлер көбейді