Раим Бақтыгереев: Өтініш тоқтатыңыздар!

Жақында әнші Ерке Есмаханмен мұсылманша некесін қидырған әнші Раим оқырмандарына үндеу тастады. Ол көпшіліктен өздері жайлы қауесет таратпауын өтінді, деп жазады JQ-Aqparat.
Өнер иесі бұл жайлы Instagram желісінде жариялады.

Ол: «Қазақ елі! Біріншіден, былтырғы қаңтарға қарағанда биыл қуанышты ғой. Екіншіден, әр адамның өткен-кеткені бар. Өздеріңіз мінсіз болып, неге сонша соңымызға түсіп алдыңыздар? Әрқайсыңызды іздесе, кем тұсыңыз табылар. Пендешілікке салынбаңыздар.Үшіншіден, адамның айтқаны емес, Алланың дегені болады. Біз некесі қиылған жанұямыз. Намыс, тәрбие, қасиеті жоқ, есі кеткен адам ғана отбасының ортасына түседі. Сондай адамның қатарынан болып, Алланың қаһарына қалмаңыздар. Естігілеріңіз келсе, айтайын.Біз шаршадық. Өнерден, өмірден айырылсақ та, махаббатымыздан айырыла алмайтынымызды нық білеміз. Өтініш, тоқтатыңыздар», — деді жазбасында.